ԱԻՆ. Ադրբեջանում հարյուրավոր հրդեհներ են տեղի ունեցել

Ադրբեջանում Գուրբան բայրամի տոնի կապակցությամբ հայտարարված ոչ աշխատանքային օրերին ընդհանուր առմամբ 230 հրդեհ է տեղի ունեցել։
 
Այս մասին հաղորդում է Caliber.Az-ը՝ հղում անելով Ադրբեջանի Արտակարգ իրավիճակների նախարարությանը (ԱԻՆ): Նախարարությունում նշել են, որ Արտակարգ իրավիճակների նախարարության աշխատակիցները տոների ընթացքում աշխատել են ուժեղացված ռեժիմով։
 
112 թեժ գծին ոստացված զանգերին ի պատասխան՝ նախարարության համապատասխան կառույցները արտակարգ փրկարարական գործողություններ են իրականացրել 230 հրդեհի, անօգնական վիճակում գտնվող մարդկանց օգնություն ցուցաբերելու 20 դեպքի, 2 ճանապարհատրանսպորտային պատահարի և 2 ինքնասպանության փորձի դեպքում։
 
Ձեռնարկված անհետաձգելի միջոցառումների շնորհիվ՝ հնարավոր եղավ արագորեն մարել հրդեհները և փրկել մարդկային կյանքեր։
 
Ընդհանուր առմամբ, տոների ընթացքում Արտակարգ իրավիճակների նախարարությունը փրկել է 28 մարդու, այդ թվում՝ 8 երեխայի, և տարհանել 2 մարդու։ Միջադեպերի հետևանքով տուժել է 4 մարդ, զոհվածներից 4-ի մարմինները հանձնվել են նախատեսված վայր։