Ալիևն ու Փեզեշքիանը քննարկել են երկկողմ համագործակցության զարգացման հեռանկարները

Մարտի 31-ին հեռախոսազրույց է տեղի ունեցել՝ Ադրբեջանի նախագահ Իլհամ Ալիևի և Իրանի նախագահ Մասուդ Փեզեշքիանի միջև։
 
Ինչպես հայտնում է Caliber.Az-ը, այս մասին տեղեկություն է հրապարակվել ԱՀ ղեկավարի պաշտոնական կայքում։
 
Մասուդ Փեզեշքիանը շնորհավորել է Իլհամ Ալիևին և ադրբեջանական ժողովրդին՝ սուրբ Ռամազան տոնի առթիվ և փոխանցել իր լավագույն բարեմաղթանքները։ Իլհամ Ալիևը շնորհակալություն է հայտնել և նույնպես շնորհավորել  է Իրանի նախագահին և Իրանի ժողովրդին։
 
Պետությունների ղեկավարները գոհունակություն են հայտնել՝ մեր երկրների միջև բարձր մակարդակի փոխայցելությունների դինամիկայի կապակցությամբ, անդրադարձել են միջկառավարական հանձնաժողովի գործունեությանը, կարծիքներ են փոխանակել՝ տնտեսական, առևտրի, տրանսպորտի, էներգետիկայի և այլ ոլորտներում երկկողմ համագործակցության զարգացման հեռանկարների շուրջ։