Ալիևը Թրամփին. Ես խորապես գնահատում եմ Ձեր կարևոր դերը՝ խաղաղության գործընթացի առաջխաղացման գործում

Ադրբեջանի նախագահ Իլհամ Ալիևը պատասխանել է ԱՄՆ նախագահ Դոնալդ Թրամփի՝ Truth Social սոցցանցում արված հրապարակմանը։
 
Ինչպես հաղորդում է Caliber.Az-ը, Ադրբեջանի նախագահը իր պատասխանը տեղադրել է X սոցիալական ցանցի իր էջում։
 
«Շնորհակալություն եմ հայտնում Ձեզ նախագահ Դոնալդ Թրամփ՝ Truth Social սոցցանցում Ձեր բարի խոսքերի համար։ Ես խորապես գնահատում եմ Ձեր կարևոր դերը՝ Ադրբեջանի և Հայաստանի միջև խաղաղության գործընթացի առաջխաղացման և Վաշինգտոնի պատմական գագաթնաժողովի անցկացման գործում։ Դուք Ադրբեջանի և Միացյալ Նահանգների միջև հավերժական բարեկամության և ձևավորվող ռազմավարական գործընկերության ճարտարապետն եք։ Ես շատ եմ գնահատում մեր բարեկամությունը», - գրել է նախագահ Ի.Ալիևը։