Բաքվում՝ հրշեջ-փրկարարական ծառայությունների ղեկավարների միջազգային համաժողով է անցկացվում

Բաքվում  իր աշխատանքն է սկսել՝ Հրշեջ-փրկարարների միջազգային սպորտային ֆեդերացիայի անդամ երկրների հրշեջ-փրկարարական ծառայությունների ղեկավարների 26-րդ միջազգային համաժողովը։
 
Trend-ի փոխանցմամբ, համաժողովի շրջանակներում կայացել է՝ Ադրբեջանի Հանրապետության արտակարգ իրավիճակների նախարար, գեներալ-գնդապետ Քեմալեդին Հեյդարովի և Հրշեջների ու փրկարարների միջազգային սպորտային ֆեդերացիայի նախագահ, ներքին ծառայության գեներալ-գնդապետ Ալեքսանդր Չուպրիյանի երկկողմ հանդիպումը:
 
Համաժողովին մասնակցում են նաև՝ Ուզբեկստանի Հանրապետության արտակարգ իրավիճակների նախարար Բոտիր Կուդրատխոջաևը, ՀՓՄՖ-ի անդամ երկրների՝ Գերմանիայի, Ավստրիայի, Բելառուսի, Բուլղարիայի, Չինաստանի, Չեխիայի, Հնդկաստանի, Իրանի, Ղազախստանի, Ուզբեկստանի, Տաջիկստանի, Կամերունի, Լատվիայի, Մոնղոլիայի, Կատարի, Սաուդյան Արաբիայի, Բահրեյնի, Ռուսաստանի, Սերբիայի, Սլովակիայի և Վիետնամի ներկայացուցիչներ, ինչպես նաև ՀՖՄՖ-ի գործընկեր ընկերությունների ներկայացուցիչներ (ավելի քան 100 մարդ), ինչպես նաև տեսակապի միջոցով Թուրքիայից և Ղրղզստանից ներկայացուցիչներ։