Բաքվում կզբաղեն հին շինություների ստուգմամբ

Բաքվում ստեղծվել է երկու հանձնաժողով՝ քաղաքի ճարտարապետական ​​տեսքը խախտող և շահագործան ժամկետը լրացած շենքերի քանդման հարցերով զբաղվելու համար։
 
Ինչպես հաղորդում է Report-ը, Բաքու քաղաքի Գործադիր իշխանությանը կից ստեղծվել է հանձնաժողով, որը լիազորված է զբաղվել՝ Յասամալի շրջանում գտնվող Ադրբեջանի պողոտայում, Նիզամիի, Ռզա Գուլիևի, Նաբաթ Աշուրբեկովայի, Միրզա Ֆաթալի Ախունդզադեի, Չինգիզ Մուստաֆաևի և Միրզաաղա Ալիևի փողոցներում գտնվող բնակելի և ոչ բնակելի օբյեկտների անշարժ գույքի գնմամբ և վերաբնակեցմամբ։
 
Խոսքը վերաբերում է 20-րդ դարի սկզբին կառուցված շենքերին, որոնք քաղաքի նոր գլխավոր հատակագծի համաձայն ճանաչվել են ոչ պիտանի և ենթակա են քանդման։ Բացի տարածքը հնացած շենքերից մաքրելուց, տարածքը ներառում է նաև կոմունալ ենթակառուցվածքների վերանորոգում և բարեկարգման աշխատանքների իրականացում։
 
Հանձնաժողովը գործում է հետևյալ հասցեով՝ Յասամալի շրջան, Միրզա Ֆաթալի Ախունդզադեի փողոց, 4-րդ շենք: Նշված տարածքների բնակիչներին կոչ է արվում՝ ներկայացնել շենքերի նկատմամբ իրենց սեփականության իրավունքը հաստատող փաստաթղթեր:
 
Նախարարների կաբինետին կից ստեղծված առանձին հանձնաժողովը կհետևի այս գործընթացի ընթացքին և կապահովի թափանցիկությունը։