Բաքվում վիրաբուժական վիրահատության ժամանակ օգտագործվել է ռոբոտ- օգնական

Ադրբեջանում առաջին անգամ լապարոսկոպիկ վիրահատություն է կատարվել ռոբոտ օգնականի միջոցով՝ Ազգային ուռուցքաբանության կենտրոնում։
 
Ինչպես հայտնում է Report-ը՝ հղում անելով Առողջապահության նախարարությանը, բժշկական հաստատությունում տեղադրվել են չինական Kangduo ընկերության ռոբոտացված սարքավորումները և հաջողությամբ օգտագործվել վիրաբուժական պրակտիկայում։
 
Վիրահատությունից առաջ բժիշկներն ու բժշկական անձնակազմը մասնագիտացված վերապատրաստում են անցել՝ Չինաստանից և Ղազախստանից հրավիրված մասնագետների ղեկավարությամբ։ Առողջապահության նախարարությունում  նշել են, որ ռոբոտացված տեխնոլոգիաների կիրառումը նոր հնարավորություններ է բացում  հայրենական բժշկության համար և կարևոր փուլ կդառնա դրա հետագա զարգացման գործում։