ՄՄ պատգամավոր. Նոր սոցիալական փաթեթը ընդգրկելու է 3 միլիոն քաղաքացու

Ադրբեջանում մեկնարկել է նոր սոցիալական փաթեթի իրագործումը։
 
Ինչպես հայտնում է Report-ը, այս մասին ասել է պատգամավոր Վուգար Բայրամովը։
 
Նրա խոսքով, նոր սոցիալական փաթեթը, որը կտարածվի 3 մլն քաղաքացու վրա, ներառում է 1,1 մլն քաղաքացու կենսաթոշակների բարձրացում, իսկ նվազագույն աշխատավարձի բարձրացման արդյունքում ավելի քան 700 հազար քաղաքացիների աշխատավարձերի բարձրացումը։
 
Նա նշել է, որ փետրվարի 1-ից նվազագույն կենսաթոշակը բարձրացվել է 14,3 տոկոսով և կկազմի 320 մանաթ։ «Սա զգալի ներդրում կունենա կենսաթոշակների միջին չափերի ավելացման գործում: Սոցիալական փաթեթը ներառում է ոչ միայն աշխատավարձերի ու թոշակների բարձրացում, այլեւ սոցիալական նպաստների ու կրթաթոշակների բարձրացում։ Հաջորդ փուլում որոշումներ կկայացվեն՝ սոցիալական նպաստների չափի ավելացման և բարձրացումների հետ կապված»։