ԱԱՀ. Բաքվում մեկնարկել է վերադարձի իրավունքին նվիրված միջազգային համաժողովը

Բաքվում իր աշխատանքներն է սկսել՝ «Վերադարձի իրավունք. Արդարություն՝ Հայաստանից բռնի տեղահանված ադրբեջանցիների համար» 2-րդ միջազգային համաժողովը։
 
Ինչպես հայտնում է Report-ը, համաժողովը, որը կազմակերպել է Արևմտյան Ադրբեջանի համայնքը, կշարունակվի երկու օր։
 
Միջոցառմանը մասնակցում են պատվիրակներ 51 երկրներից, այդ թվում՝ Թուրքիայից, ԱՄՆ-ից, Մեծ Բրիտանիայից, Ռուսաստանից, Գերմանիայից, Ինդոնեզիայից, Իտալիայից, Ուզբեկստանից, Պակիստանից, Բելգիայից, Վրաստանից, Կանադայից, Իսպանիայից, Շվեյցարիայից, Ղազախստանից, Ղրղզստանից, Մալթայից, Ճապոնիայից, Ալբանիայից, Բանգլադեշից, Բելառուսից, Բուլղարիայից, Չեխիայից, Չինաստանից, Դանիայից, Եթովպիայից, Էստոնիայից, Ալժիրից, Ֆրանսիայից, Խորվաթիայից, Հորդանանից, Իրաքից, Կորեայից, Լիտվայից, Հունգարիայից, Մալայզիայից, Մարոկկոյից, Եգիպտոսից, Չեռնոգորիայից, Նեպալից, Նիդեռլանդներից, Նորվեգիայից, Լեհաստանից, Ռումինիայից, Սաուդյան Արաբիայից, Հյուսիսային Մակեդոնիայից, Թաիլանդից, Ուկրաինայից և Նոր Զելանդիայից, ինչպես նաև Ադրբեջանում հավատարմագրված դիվանագիտական ​​ներկայացուցչությունների ներկայացուցիչներ։
 
Նշենք, որ դեկտեմբերի 5-ը՝ 1987-1991 թվականներին բռնագաղթված արևմտյան ադրբեջանցիների հիշատակի օրն է։