Ադրբեջանի աշխատանքի նախարարությունը 115 բնակարան է տրամադրել նահատակների ընտանիքներին և հաշմանդամություն ունեցող անձանց

Ադրբեջանի աշխատանքի և բնակչության սոցիալական պաշտպանության նախարարությունը 115 բնակարան է տրամադրել նահատակների ընտանիքներին և պատերազմի հետ կապված հաշմանդամություն ունեցող անձանց։
 
Report-ի փոխանցմամբ, բնակարանները հատկացվել են՝ Բաքու և Նավթալան քաղաքներում, ինչպես նաև Աբշերոնի, Սաբիրաբադի, Օղուզի, Գախի, Լենքարանի, Աստարայի, Զարդաբի, Աղջաբեդիի, Գյոյչայի, Աղդաշի, Գազախի, Եվլախի և Քյուրդեմիրի շրջաններում կառուցված նոր բնակելի համալիրներում։
 
Բաքվի 4-րդ DOST կենտրոնում կայացած բնակարանների հանձնման արարողությանը՝ աշխատանքի և բնակչության սոցիալական պաշտպանության փոխնախարար Հիդայաթ Աբդուլլաևը մանրամասն պատմել է՝ քաղաքացիների խոցելի խմբերի համար իրականացվող սոցիալական աջակցության միջոցառումների մասին։
 
Նշվել է, որ Հայրենական պատերազմից հետո, Ադրբեջանի նախագահ Իլհամ Ալիևի հանձնարարությամբ՝ նահատակների ընտանիքների և պատերազմի հետ կապված հաշմանդամություն ունեցող անձանց համար նախատեսված բնակարանային ծրագիրը հնգապատիկ ընդլայնվել է։ Հետպատերազմյան շրջանում այդ կատեգորիայի անձանց տրամադրվել է ավելի քան 7000 բնակարան և անհատական ​​տներ, իսկ ամբողջ ժամանակահատվածում՝ մոտ 16000։