Ադրբեջանում բարձրացվել են մի շարք բժիշկների և բուժաշխատողների աշխատավարձերը ԹՎԵՐ

Վնասվածքաբանների միջին ամսական աշխատավարձը՝ ներառյալ հավելավճարները, 2024 թվականին աճել է մինչև 3600 մանաթ, իսկ ընդհանուր վիրաբույժների և մանկաբարձ-գինեկոլոգներինը՝ մինչև 3300 մանաթ։
 
Ինչպես հայտնում է Caliber.Az-ը, այս մասին հայտարարել է՝ ԱՀ Պարտադիր  բժշկական ապահովագրության գործակալության խորհրդի նախագահ Զաուր Ալիևը՝ Yeni Clinic-ում 2024 թվականի արդյունքներին նվիրված մամուլի ասուլիսում։
 
Նրա խոսքով, այս տարի զգալիորեն աճել է բժիշկների միջին աշխատավարձը.
 
«Բժիշկների աշխատավարձի բարձրացումը հնարավոր դարձավ՝ պարտադիր բժշկական ապահովագրության ծառայությունների փաթեթի ընդլայնման և մի շարք բժշկական ծառայությունների սակագների բարձրացման արդյունքում։ Պարտադիր բժշկական ապահովագրության ներդրումից հետո, կրտսեր բուժանձնակազմի միջին աշխատավարձը 270 մանաթից հասել է 410 մանաթի, իսկ բուժքույրական անձնակազմինը՝ 320-ից 540 մանաթի»,- ընդգծել է Զ.Ալիևը։