Ադրբեջանում բարձրացվո՞ւմ է Սահմանադրական դատարանի դատավորների տարիքային շեմը.

Ադրբեջանի խորհրդարանը վերջնական ընթերցմամբ  հաստատել է՝ Սահմանադրական դատարանի դատավորների տարիքային շեմը բարձրացնելու մասին՝ «Սահմանադրական դատարանի մասին» օրենքում փոփոխությունները։
 
Ինչպես տեղեկացնում է Report-ը, որոշումն ընդունվել է Միլլի Մեջլիսի այսօրվա լիագումար նիստում։
 
Փոփոխությունների համաձայն՝ տարիքային շեմը 70-ից բարձրացվում է մինչև 75 տարեկան։ Բացի այդ, 75 տարին լրացած դատավորը շարունակում է իր պարտականությունները կատարել մինչև նոր դատավորի նշանակումը, բայց ոչ ավելի, քան 6 ամսով։
 
Սահմանադրական դատարանի 75 տարին լրացած դատավորի լիազորությունները կարող են վաղաժամկետ դադարեցվել։ Այս դեպքում նա համարվում է Սահմանադրական դատարանի պաշտոնաթող դատավոր։