Ադրբեջանում ձերբակալվել է Միրզիյոևին վիրավորած ուզբեկ տղամարդը

2023 թվականի փետրվարին Ուզբեկստանի քաղաքացի Ա. Յու.-ն TikTok սոցիալական ցանցում վիրավորել է երկրի նախագահ Շավքաթ Միրզիյոևին։
 
Ինչպես հայտնում է Caliber.Az-ը՝ ուզբեկական լրատվամիջոցներին հղումով, երկիրը լքելուց հետո Ա. Յու.-ն որոշ ժամանակ ապրել է Թուրքիայում և Ադրբեջանում՝ հույս ունենալով, որ իր գործողությունները կմոռացվեն։ Սակայն 2025 թվականի ապրիլին նա կալանավորվել է Ադրբեջանի տարածքում։
 
Դատավարության ընթացքում մեղադրյալը ընդունել է իր մեղքը, զղջացել է և ներողություն խնդրել։
 
«2023 թվականի փետրվարին ես TikTok-ում վիրավորել եմ մեր երկրի առաջնորդին՝ Sherxon անվամբ պրոֆիլի ներքո։ Ես զղջում եմ իմ գործողությունների համար և չեմ կրկնի նման արտահայտություններ», - հայտարարել է Ա. Յու.-ն։