Ադրբեջանում կարող է նվազեցվել զորակոչի առավելագույն տարիքը

Ադրբեջանում կարող է նվազեցվել զինծառայության զորակոչի առավելագույն տարիքը: 

Ինչպես հայտնում է Report-ը, դա արտացոլված է՝ «Զինապարտության և զինվորական ծառայության մասին» օրենքում առաջարկվող փոփոխություններում։ 

Փոփոխությունների համաձայն՝ զորակոչի կենթարկվեն 18-ից 30 տարեկան Ադրբեջանի արական սեռի քաղաքացիները, ովքեր չեն անցել պարտադիր ժամկետային զինվորական ծառայություն։ Հիշեցնենք, որ գործող օրենսդրության համաձայն՝ տարիքային շեմը 18-ից 35 տարեկան է։