Ադրբեջանում մեկնարկել է «Մեկ երեխա՝ մեկ ապագա» նախագիծը

YAŞAT հիմնադրամի կազմակերպմամբ մեկնարկել է «Մեկ երեխա՝ մեկ ապագա» նախագիծը, որն աջակցություն է տրամադրում նահատակների երեխաների կրթությանը։
 
AZERTAC-ի փոխանցմամբ, նախագծի շրջանակներում կվճարվի՝ նահատակների երեխաների կրթությունը հանրապետության մասնավոր դպրոցներում։ Սկզբնական փուլում տարբեր ընկերություններ և անհատներ ֆինանսական աջակցություն են ցուցաբերել 11 երեխայի կրթության համար։
 
Այսպես, մասնավոր հաստատություններից մեկը կվճարի 5 նահատակների երեխաների լիարժեք կրթության համար՝ տարեկան հատկացնելով 31 հազար 240 մանաթ այդ նպատակների համար, մեկ այլ մասնավոր ձեռնարկություն կծածկի 5 երեխայի կրթության տարին՝ 32 հազար 180 մանաթի չափով, իսկ մեկ մասնավոր ընկերություն ստանձնել է մեկ երեխայի լիարժեք կրթության ծախսերը, որոնք տարեկան կազմում են 6 հազար 360 մանաթ։