Ադրբեջանում Թուրքիայի նոր դեսպան է նշանակվել

Թուրքիայի նախագահ Ռեջեփ Թայիբ Էրդողանի որոշման համաձայն՝ Բիրոլ Աքգյունը նշանակվել է Ադրբեջանում Թուրքիայի արտակարգ և լիազոր դեսպան։
 
Ինչպես հայտնում է Caliber.Az-ը, Թուրքիայի ղեկավարի համապատասխան  որոշումը տեղադրվել է Resmi Gazete-ի իրավական տեղեկատվական պորտալում։
 
Մինչ այդ Բիրոլ Աքգյունը զբաղեցրել է Թուրքիայի կրթական Maarif Vakfı հիմնադրամի նախագահի պաշտոնը։
 
Նախագահի հրամանագրով այլ նշանակումներ են կատարվել՝ Զեքի Լևենթ Գյումրուկչուն՝ Թուրքիայի փոխարտգործնախարար, Ֆերհաթ Ալքան՝ Մոզամբիկի Հանրապետությունում դեսպան, և նախագահի գլխավոր խորհրդական Յակուպ Չայմազօղլուն՝ Հորդանանի Հաշիմյան Թագավորությունում դեսպան։ Դեսպաններ են նշանակվել նաև Կուբայում և ԱՄԷ-ում։