Ադրբեջանում Ուկրաինայի դեսպանատան մոտ պետական ​​դրոշները իջեցվել են

Ադրբեջանում Ուկրաինայի դեսպանատունն իջեցրել է իր դրոշները և էլեկտրոնային սգո գիրք բացել՝ ուկրաինական Սումի քաղաքի հրթիռակոծության հետևանքով զոհվածների  վերաբերյալ։
 
Ինչպես հայտնում է Caliber.Az-ը, այս մասին ֆեյսբուքյան իր էջում գրել է Ուկրաինայի դեսպան Յուրի Գուսևը։
 
«Այսօր Ադրբեջանում Ուկրաինայի դեսպանատան և ամբողջ աշխարհում Ուկրաինայի օտարերկրյա դիվանագիտական ​​ներկայացուցչությունների պետական ​​դրոշները խոնարհված են՝ ի նշան զոհերի: <...> Զոհվել է 34 մարդ, ևս 117-ը վիրավորվել:  Անկեղծ ցավակցություն ենք հայտնում զոհվածների ընտանիքներին և մերձավորներին»,- գրել է նա:
 
Դեսպանը նշել է, որ սգո էլեկտրոնային գիրքը կգործի ապրիլի 14-ին և 15-ին։ Ցավակցություն հայտնել կարելի է՝ էլեկտրոնային նամակ ուղարկելով emb_az@mfa.gov.ua հասցեով:
 
Նշենք, որ նախօրեին ռուսական զորքերը հրթիռային հարված են հասցրել Սումի քաղաքին։