Ադրբեջանում յուրաքանչյուր երկրորդ երեխա չի կիսում իր ծնողների տեսակետները. ՍՀԿ

Ադրբեջանի սոցիալական հետազոտությունների կենտրոնը (ՍՀԿ) հրապարակել է՝ ադրբեջանական ընտանիքներում միջսերնդային հարաբերությունների ուսումնասիրությանը նվիրված հետազոտության արդյունքները:
 
Ինչպես հաղորդում է Report-ը, արդյունքները հրապարակել է ՍՀԿ-ի սեկտորի ղեկավար Հումայ Ախունդզադեն՝ «Միջսերնդային համերաշխությունը ընտանեկան հարաբերությունների և կայուն զարգացման համատեքստում» համաժողովում։
 
Նրա խոսքով՝ ուսումնասիրությանը մասնակցել է երկրի 12 շրջաններից 1170 մարդ, որոնք բաժանվել են 390 մարդուց բաղկացած երեք խմբի։
 
Այսպիսով, որոշ շրջաններում, մասնավորապես Բաքվում, Աբշերոնում և Խըզիում, նկատվում է ընտանեկան կառուցվածքի վերափոխում դեպի անհատականացում։ Ախունդզադեն նաև նշել է, որ բջջային հեռախոսների ակտիվ օգտագործումը ստեղծում է օտարացման խնդիր ընտանեկան հարաբերություններում։
 
«Յուրաքանչյուր երկրորդ երեխա իրեն տարբեր է համարում իր ծնողներից, չի կիսում նրանց մտածելակերպը, ինչը կարող է հանգեցնել կոնֆլիկտների», - նշել է Հումայ Ախունդզադեն