Ադրբեջանի ԱԳՆ-ն հրապարակել է իր «սև ցուցակում» գտնվող անձանց թիվը

Ավելի քան երկու հազար մարդ ներկայումս ներառված է Ադրբեջանի «սև ցուցակում»՝ օկուպացիայի ընթացքում երկրի տարածքներ անօրինական այցելելու համար։

Report-ի փոխանցմամբ՝ այս մասին տարեվերջյան մամուլի ասուլիսում հայտարարել է արտաքին գործերի նախարար Ջեյհուն Բայրամովը։

«Այն անձիք, ովքեր օկուպացիայի շրջանում Ադրբեջանի տարածքներ են այցելել առանց Բաքվի թույլտվության, ներառվել են մեր երկրի «սև ցուցակում»։ Նրանք, ովքեր պաշտոնապես դիմել են այս հարցով և ներողություն խնդրել, բացառվել են ցուցակից և այժմ կարող են այցելել Ադրբեջան։ Նրանք, ովքեր ներողություն չեն խնդրել, մնում են «սև ցուցակում»։ Ընդհանուր առմամբ, այս ցուցակում ներկայումս գտնվում է ավելի քան երկու հազար մարդ, և այդ անունները ֆիքսվել են 30 տարիների ընթացքում», - նշել է նախարարը։