Ադրբեջանը արհեստական բանականությունը կկիրառի զբաղվածության և առողջապահության ոլորտներում

Ադրբեջանը նախատեսում է զբաղվածության ոլորտում ներդնել արհեստական բանականության վրա հիմնված նոր լուծումներ՝ գործատուների և աշխատանք փնտրողների միջև փոխգործակցության արդյունավետությունը բարձրացնելու համար։

Caliber.Az-ի փոխանցմամբ՝ այս մասին հայտարարել է DOST թվային նորարարությունների կենտրոնի տնօրեն Քյանան Աքպերովը Բաքվում կայացած «SOCGOV 2025. Արհեստականբանականություն մարդկության և վերափոխման համար» թեմայով միջազգային կոնֆերանսի պանելային նիստում։

«Արհեստական բանականության 2025-2027 թվականների ռազմավարությունը նախատեսում է մասնագիտացված արհեստական բանականության լուծումների ստեղծում զբաղվածության ոլորտում։ Նպատակն է կադրերի որոնման և հավաքագրման գործընթացը հնարավորինս հարմար դարձնել ինչպես գործատուների, այնպես էլ աշխատանք փնտրողների համար», - նշել է Աքպերովը։

Նա նաև ընդգծել է, որ առաջնահերթ ոլորտներից մեկը արհեստական բանականության կիրառումն է քաղաքացիների առողջության գնահատման և հաշմանդամության որոշման գործում։