Ադրբեջանը բարելավել է լայնաշերտ ինտերնետի միջին արագությունը

2025 թվականի հունվարին  բարձր արագության ինտերնետի (66,91 Մբիթ/վրկ) ցուցանիշով՝ Ադրբեջանը զբաղեցրել է 90-րդ տեղը աշխարհի 152 երկրների շարքում։
 
Ինչպես հաղորդում է Caliber.Az-ը՝ հղում անելով Speedtest Global Index-ին, այս տարվա հունվարին Ադրբեջանում ինտերնետի միջին արագությունը 90%-ով բարձր է եղել՝ 2024 թվականի նույն ժամանակահատվածի համեմատ (35,25 Մբիթ/վրկ):
 
Լայնաշերտ ինտերնետի արագությամբ հունվարին առաջին տեղոը զբաղեցրել  է Սինգապուրը (336,45 Մբիթ/վրկ), իսկ Կուբան՝ վերջինը (3,04 Մբիթ/վ):
 
Հունվարին Ադրբեջանը մեկ դիրքով առաջադիմել է և 104 երկրների շարքում՝ բջջային ինտերնետի արագությամբ (70,65 Մբիթ/վրկ) զբաղեցրել է 54-րդ տեղը։ Առաջին տեղը զբաղեցրել է ԱՄԷ-ն (545,94 Մբիթ/վրկ), իսկ Էրիթրեան՝ վերջինը (1,88 Մբիթ/վրկ):
 
Լայնաշերտ ինտերնետի արագությամբ (67,75 Մբիթ/վրկ) Բաքուն 198 քաղաքների մեջ հաշվետու ամսում զբաղեցրել է 115-րդ տեղը, իսկ շարժական ինտերնետի արագությամբ (85,08 Մբիթ/վրկ)՝ 80-րդ տեղը 152 քաղաքների մեջ։