Ադրբեջանը՝ ՄԱԿ-ի Զբոսաշրջության հարցերով հանձնաժողովին անդամակցելու իր թեկնածությունն է առաջադրել

Ադրբեջանը մեծ նշանակություն է տալիս՝ ՄԱԿ-ի Եվրոպայի զբոսաշրջության տարածաշրջանային հանձնաժողովի 2025-2029 թվականների այսօրվա ընտրություններին։
 
Ինչպես հաղորդում է Report-ը, այս մասին լրագրողներին ասել է՝ ​​​​զբոսաշրջության պետական գործակալության ապարատի ղեկավարի պաշտոնակատար Քենան Գուլուզադեն։
 
Նրա խոսքով՝ Ադրբեջանն արդեն առաջադրել է իր թեկնածությունը հանձնաժողովին անդամակցելու համար։
 
«Հանձնաժողովի 5 տեղի համար պայքարում է ինը երկիր։ Ադրբեջանի հետ մեկտեղ այս ընտրություններին մասնակցում են՝ Ղազախստանը, Ուզբեկստանը, Հունաստանը և այլ երկրներ։ Մենք հույս ունենք, որ այսօր կայանալիք քվեարկության արդյունքների հիման վրա Ադրբեջանը կընտրվի հանձնաժողովի անդամ 2025-2029 թվականների համար», - ասել է նա։
 
Գուլուզադեն հավելել է, որ Ադրբեջանն այժմ ձևավորում է զբոսաշրջային արտադրանք տարբեր նոր ուղղություններով։ «Առաջնահերթ ոլորտներից մեկը ազատագրված տարածքներն են։ Այս շրջանների նկատմամբ մեծ հետաքրքրություն կա, և Ադրբեջանը կուժեղացնի իր ջանքերը՝ եվրոպացի զբոսաշրջիկներին գրավելու համար», - ասել է նա։