Ակտաուի ավիավթարի հետաքննություն. Բոզումբաևը հայտարարություն է արել

Ակտաուի մոտ AZAL-ի ինքնաթիռի կործանման հետաքննության նախնական արդյունքները՝ կարող են հրապարակվել արդեն հաջորդ շաբաթ։
 
Ինչպես հաղորդում է Caliber.Az-ը՝ ղազախական լրատվամիջոցներին հղումով, այս մասին հայտարարել է՝ Ղազախստանի փոխվարչապետ Կանատ Բոզումբաևը։
 
«Հանձնաժողովն աշխատում է։ Թռիչքի ռեժիմի  և աուդիո պարամետրերը սահմանվում են, ու որոշակի եզրակացություններ կարվեն: Եվ հարազատները պետք է ստուգեն ձայները, որպեսզի տեսնեն, որ իրականում դրանք օդաչուներ են և այլն։ Կարծում եմ՝ հաջորդ շաբաթ տրանսպորտի նախարարությունը կհրապարակի որոշակի մասը։ Քանի որ վթարի օրվանից 30 օրվա ընթացքում ԻԿԱՕ-ն (Քաղաքացիական ավիացիայի միջազգային կազմակերպություն-խմբ.) խորհուրդ է տալիս: Դժվարություններ կան, բայց մենք պետք է հասցնենք դրան»,- ասել է Բոզումբաևը:
 
Կործանված ինքնաթիռի սև արկղերն ամբողջությամբ վերծանվել են Բրազիլիայում և վերադարձվել Ղազախստան, նշել է փոխվարչապետը։
 
Հիշեցնենք, որ Բաքվից Գրոզնի թռչող AZAL6i մարդատար ինքնաթիռը վթարի է ենթարկվել դեկտեմբերի 25-ին` Ղազախստանի Ակտաու քաղաքի մոտ։ Ինքնաթիռում գտնվող 67 մարդկանցից 38-ը զոհվել  է, 29-ը ողջ  է մնացել։