Ալիևը և ԱԶԲ-ի նախագահը քննարկել են՝ Կենտրոնական Ասիա-Ադրբեջան-Եվրոպա երթուղով հաղորդակցության կարևորությունը

Նոյեմբերի 14-ին Ադրբեջանի նախագահ Իլհամ Ալիևն ընդունել է՝ Ասիական զարգացման բանկի նախագահ Մասատո Կանդայի գլխավորած պատվիրակությանը։
 
Caliber.Az-ի փոխանցմամբ՝ այս մասին տեղեկատվությունը տեղադրվել է պետության ղեկավարի պաշտոնական կայքում։
 
Հանդիպմանը քննարկվել է՝ Ադրբեջանի և ԱԶԲ-ի միջև արդյունավետ համագործակցությունը, նշվել է համատեղ նախագծերի հաջող իրականացումը։ Ընդգծվել է, որ 1999 թվականից մինչ օրս Ասիական զարգացման բանկը Ադրբեջանին տրամադրել է 5,5 միլիարդ դոլարի ֆինանսական աջակցություն տրանսպորտի, ջրամատակարարման, էներգետիկայի, ֆինանսների, կրթության, առողջապահության և այլ ոլորտներում նախագծերի համար։ Նշվել է, որ ԱԶԲ-ն նաև հաջողությամբ համագործակցում է Ադրբեջանի մասնավոր հատվածի հետ։ Այս համատեքստում քննարկվել են՝ նավթագազային, էլեկտրաէներգիայի, ճանապարհային և երկաթուղային տրանսպորտի, գյուղատնտեսության, ջրամատակարարման և այլ ոլորտներում համատեղ նախագծերը։
 
Զրույցի ընթացքում նշվել է, որ Վաշինգտոնում Ադրբեջանի և Հայաստանի միջև խաղաղության օրակարգի շուրջ ձեռք բերված առաջընթացը զգալի հնարավորություններ է բացում տարածաշրջանի տրանսպորտային և տարանցիկ ներուժի ընդլայնման համար։ Անդրադարձ է եղել՝ Կենտրոնական Ասիա-Ադրբեջան-Եվրոպա երթուղու հաղորդակցության կարևորությանը։ Քննարկվել են նաև նոր համատեղ նախագծեր, երկաթուղային տրանսպորտի, մետրոպոլիտենի ցանցի ընդլայնման և ջրամատակարարման ոլորտներում համագործակցությունը։