National Geographic-ը ռեպորտաժ է պատրաստել Ադրբեջանում գինեգործության մասին

06 Օգոստոսի 2025 09:12

Հեղինակավոր National Geographic ամսագիրը ռեպորտաժ է պատրաստել Ադրբեջանում գինեգործության պատմության, դրա զարգացման փուլերի և ներկայիս վիճակի մասին։

Caliber.Az-ի փոխանցմամբ՝ Գոյգյոլի շրջանում ամսագրի աշխատակիցներն այցելել են այնտեղ գտնվող հին պատմություն ունեցող գինու պահեստ։

Հյուրերին պատմել են, որ Գյանջա-Ղազախ շրջանից բացի, Ադրբեջանում բարձր բերքատվություն ունեցող խաղողի այգիներ կան Շիրվանի մարզում, Լենքորան-Աստարա գոտում և Ղարաբաղում։

Հյուրերը այցելել են նաև Խաչմազի, Գաբալայի և Շեքիի շրջաններ։

Հաղորդվել է, որ Շեքիում արտադրված գինիների պիտակների վրա պատկերված են քելաղայի նախշեր։ Շեքին նաև ներառված է ՅՈՒՆԵՍԿՕ-ի ոչ նյութական մշակութային ժառանգության ցանկում։ Օտարերկրյա հյուրերը համտեսել են Շեքիում արտադրված գինիներ և փորձել տեղական ուտեստներ։

Caliber.Az

Դիտումներ: 113

Liked the story? Share it on social media!