Բաքվում աուտիզմի հերթական փառատոն կանցկացվի

Մայիսի 17-ին Բաքվում կկայանա Աուտիզմի 5-րդ ամենամյա փառատոնը, որը կազմակերպվում է Ադրբեջանի Աուտիզմի ասոցիացիայի կողմից՝ Sea Breeze-ի հետ համատեղ:
 
Ինչպես հաղորդում է AZERTAC-ը, միջոցառումը տեղի կունենա Շատրվանների հրապարակում (Նիգյար Ռաֆիբեյլի փողոց) ժամը 10:00-ից մինչև 18:00-ն: Կազմակերպիչների խոսքով՝ փառատոնն անցկացվում է աուտիզմով մարդկանց սոցիալական ինտեգրմանը աջակցելու և նրանց ստեղծագործական կարողությունները ցուցադրելու նպատակով։ Ինչպես նաև հանրային իրազեկվածության բարձրացում աուտիզմի սպեկտրի խանգարման (ԱՍԽ) վերաբերյալ։
 
Փառատոնի օրվա ծրագիրը ներառում է՝ հանդիսավոր բացում, համերգ, զարգացման հատուկ կարիքներ ունեցող երեխաների աշխատանքների ցուցահանդես, ստեղծագործականության և կրթության տարբեր ոլորտների թեմատիկ գոտիներ, ինչպես նաև վերականգնման և կրթական կազմակերպությունների նախագծերի շնորհանդեսներ։ Փառատոնի լայն լսարանը ներառում է՝  պետական կառույսների ներկայացուցիչներին, գործարարներին, հասարակական գործիչներին, բլոգերներին, ինչպես նաև աուտիզմի սպեկտրի խանգարում ունեցող երեխաներին և երիտասարդներին ու  նրանց ընտանիքներին։
 
Ադրբեջանի աուտիզմի ասոցիացիան-միավորումը  ստեղծվել է աուտիզմով մարդկանց աջակցության, վերականգնման և ներառման ոլորտում ջանքերը համակարգելու համար։