Բաքվում ԻՀԿ Աշխատանքի կենտրոնի նիստ կանցկացվի

Սեպտեմբերի 23-24-ը Բաքվում կանցկացվի՝  Իսլամական համագործակցության կազմակերպության (ԻՀԿ) Աշխատանքի կենտրոնի գործադիր խորհրդի  նիստը և ԻՀԿ Աշխատանքի կենտրոնի գլխավոր ասամբլեայի 2-րդ նստաշրջանին նվիրված՝   բարձրաստիճան պաշտոնատար անձանց նախապատրաստական ​​նիստը։
 
Ինչպես հայտնում է Repor-ը, հղում անելով Աշխատանքի նախարարությանը, միջոցառումներին կմասնակցեն՝ ԻՀԿ անդամ երկրների աշխատանքի նախարարները և պատվիրակությունները։
 
Նախատեսվում է, որ հանդիպումների ժամանակ կքննարկվեն և կընդունվեն կազմակերպության գործունեությանը վերաբերող կարևոր  բանաձևեր։
 
Միջոցառումների շրջանակներում կանցկացվի նաև բարձր մակարդակի կլոր սեղան, որը համատեղ կազմակերպել են ԻՀԿ Աշխատանքի կենտրոնը և Աշխատանքի և բնակչության սոցիալական պաշտպանության նախարարությունը։
 
ԻՀԿ Աշխատանքի կենտրոնը ստեղծվել է 2023 թվականին Բաքվում՝ անդամ պետությունների աշխատանքի նախարարների 5-րդ համաժողովի  շրջանակներում։