Ղարաբաղի համալսարանի դեկան. Գործունեության մեկ տարվա ընթացքում մեծ հաջողությունների ենք հասել

Համատեղ ջանքերի շնորհիվ Ղարաբաղի համալսարանը մեծ հաջողությունների է հասել։
 
Այս մասին Karabakh Report-ին ասել է՝ այս համալսարանի արվեստի ֆակուլտետի դեկան, կոմպոզիտոր Թուրքեր Գասըմզադեն։
 
«Արդեն մեկ տարի է անցել՝ 2023 թվականի նոյեմբերի 27-ին նախագահ Իլհամ Ալիևի հրամանագրով ստեղծված Ղարաբաղի համալսարանի գործունեության մեկնարկից։ Այս ընթացքում Ղարաբաղի համալսարանի տարբեր ֆակուլտետների դասախոսական կազմը մասնակցել է միջազգային փառատոների և մրցույթների։ Նրանց  շրջանում կան հաղթողներ»,- ասել է դեկանը։
 
Նրա խոսքով, Ղարաբաղի համալսարանի արվեստի ֆակուլտետում ի սկզբանե ընդգրկված են՝ երկրի ամենապրոֆեսիոնալ դասախոսներից մի քանիսը և տաղանդավոր ուսանողներ. «Այս տարի մենք մի շարք հաջողությունների ենք հասել: Վստահ եմ, որ Ղարաբաղի համալսարանում կրթությունը կշարունակվի ամենաբարձր չափանիշներին համապատասխան։ Այսօր մենք՝ որպես Ղարաբաղի համալսարանի արվեստի ֆակուլտետ, ցանկանում ենք տոնել մեր տարեդարձը համերգով և ցուցահանդեսով»:
Միջոցառմանը Ղարաբաղի համալսարանի դասախոսներն ու ուսանողները կատարել են ադրբեջանցի և արևմտաեվրոպական կոմպոզիտորների տարբեր ժանրերի ստեղծագործություններ։ Կազմակերպվել է նաև հիանալի ցուցահանդես, որին ներկայացված էին տարբեր տեխնիկայով արված շուրջ 140 աշխատանք։