Գործակալության ղեկավար. Ադրբեջանում նկատվում է սողանքների ինտենսիվացում

Հանրապետության տարածքում սողանքային տարածքներում ակտիվություն է նկատվում, գործընթացը վերահսկվում է, իրականացվում է խիստ մոնիտորինգ։
 
Այս մասին Caliber.Az-ին հայտնել է՝ Երկրաբանական հետախուզական գործակալության նախագահ Ալի Ալիևը։
 
Նա նշել է, որ վերջին շրջանում հանրապետության որոշ հատվածներում ինտենսիվ սեզոնային տեղումների  հետ կապված, ակտիվություն է նկատվում. «Գոյություն ունեցող սողանքային տարածքների մոնիտորինգը շարունակվում է: Հիմնական գոտիները կենտրոնացած են հարավային շրջանում՝ Աբշերոնի թերակղզում, Շամախի-Իսմայիլի գոտում, մասամբ՝ Գաբալա-Աղդաշ գոտում»։
 
Գործակալության նախագահն ընդգծել է, որ ակտիվ տեղային սողանքներ են գրանցվել՝ Լերիքի շրջանի Համարատ, Փիրզեքյուչա և Վենեդի գյուղերում։
 
Բացի այդ, տեղական ակտիվության գոտիներ են գրանցվել՝ Աստարայի շրջանի Սիյաքյու, Շուվյու, Ասխանաքերան, Չուվաշ և Սիպիյապարտ գյուղերում։