Հրապարակվել է Ադրբեջանում ականներից զոհերի ընդհանուր թիվը

Ադրբեջանում ականներից զոհերի ընդհանուր թիվը կազմում է 3460 մարդ, որից 359-ը երեխաներ են, 38-ը՝ կանայք։ 

Այս մասին Trend-ին հայտնել են ԱՀ ականազերծման գործակալությունում (ANAMA): Նշվում է, որ 1991 թվականից մինչև 2020 թվականի նոյեմբերի 10-ը տուժել է 2418 մարդ, 530 մարդ զոհվել է, 131 մարդ վիրավորվել է կասետային զինամթերքից, իսկ ականներից զոհերի ընդհանուր թիվը այս տարիների ընթացքում կազմել է 3079 մարդ։ 

«2020 թվականի նոյեմբերի 10-ից մինչ օրս տուժածների թիվը կազմել է 311 մարդ, իսկ զոհվածներինը՝ 70: Այս տարիների ընթացքում ականներից զոհերի ընդհանուր թիվը կազմել է 381 մարդ»,- ասվում է ANAMA-ի հաղորդագրության մեջ։