Ի.Ալիևը հաստատել է Ուզբեկստանի հետ համագործակցության երկու համաձայնագիր

Ադրբեջանի նախագահ Իլհամ Ալիևը հաստատել է՝ Ադրբեջանի Հանրապետության ներքին գործերի նախարարության և Ուզբեկստանի Հանրապետության Ազգային գվարդիայի միջև համագործակցության մասին համաձայնագիրը։ 

Ինչպես հայտնում է Caliber.Az-ը, այս մասին տեղեկություն է տեղադրված ԱՀ ղեկավարի պաշտոնական կայքում։

Իլհամ Ալիևը հավստատել է նաև Ադրբեջանի և Ուզբեկստանի կառավարությունների միջև՝ Ուզբեկստանում ժամանակավոր աշխատող  Ադրբեջանի Հանրապետության քաղաքացիների և Ադրբեջանում ժամանակավոր աշխատող Ուզբեկստանի Հանրապետության քաղաքացիների իրավունքների և աշխատանքային գործունեության պաշտպանության մասին համաձայնագիրը։

Հիշեցնենք, որ երկու համաձայնագրերն էլ ստորագրվել են այս տարվա օգոստոսի 23-ին Տաշքենդում։