Կայացել է Ի.Ալիևի հանդիպումը Իտալիայի Նախարարների խորհրդի նախագահի հետ

Սեպտեմբերի 5-ին Հռոմում կայացել է՝ Ադրբեջանի նախագահ Իլհամ Ալիևի և Իտալիայի Նախարարների խորհրդի նախագահ Ջորջի Մելոնիի հանդիպումը։
 
Ինչպես հաղորդում է Caliber.Az-ը, այս մասին տեղեկությունը տեղադրված է Ադրբեջանի Հանրապետության ղեկավարի պաշտոնական կայքում։
 
Տեղի է ունեցել մտքերի  փոխանակում՝ երկկողմ առևտրատնտեսական կապերի ընդլայնման, արդյունաբերության, էներգետիկայի, հումանիտար և մշակութային ոլորտներում համագործակցության զարգացման շուրջ։ Հանդիպմանը շոշափվել է TAP նախագծի կարևորությունը, նրա դերը Իտալիայի և եվրոպական այլ երկրների էներգետիկ անվտանգության գործում, մտքեր են փոխանակվել TAP-ի կարողությունների մեծացման շուրջ։
 
Ջորջի Մելոնին շնորհակալություն է հայտնել Ադրբեջանի կողմից Ուկրաինային տրամադրվող մարդասիրական օգնության համար։
 
Բացի այդ, հանդիպմանը քննարկվել է՝ երրորդ երկրներում համատեղ ներդրումային նախագծերին Ադրբեջանի և Իտալիայի մասնակցության հարցը։ Ընդգծվել է Միջին միջանցքի նշանակությունը, քննարկվել են իտալական ընկերությունների կողմից այս միջանցքի հնարավորություններն օգտագործելու հեռանկարները։ Անդրադարձ է կատարվել տնտեսական համագործակցության ադրբեջանա-իտալական հանձնաժողովի դերին, պայմանավորվածություն է ձեռք բերվել հաջորդ տարի հանձնաժողովի նիստի  անցկացման շուրջ։