Կույունջիչը՝ Ալիևին. ԵՄ-ն կշարունակի աջակցել Ադրբեջանին՝ տարածքների ականազերծման ոլորտում

Հոկտեմբերի 16-ին Ադրբեջանի Հանրապետության նախագահ Իլհամ Ալիևն ընդունել է՝ Ադրբեջանում Եվրոպական Միության  ներակայացուցչության նորանշանակ ղեկավար Մարիանա Կույունջիչի հավատարմագրերը։
 
Caliber.Az-ի փոխանցմամբ՝ այս մասին տեղեկատվությունը տեղադրվել է պետության ղեկավարի պաշտոնական կայքում։
 
Իլհամ Ալիևը գոհունակությամբ հիշել է՝ Տիրանայում և Կոպենհագենում Եվրոպական Միության Խորհրդի նախագահ Անտոնիո Կոստայի և Եվրոպական հանձնաժողովի նախագահ Ուրսուլա ֆոն դեր Լեյենի հետ իր հանդիպումները և հայտնել, որ այդ հանդիպումների ընթացքում մանրամասն քննարկվել են համագործակցության զարգացման հեռանկարները։
 
Մարիանա Կույունջիչը շնորհավորել է Իլհամ Ալիևին՝ ԱՄՆ նախագահ Դոնալդ Թրամփի հովանու ներքո Վաշինգտոնում Ադրբեջանի և Հայաստանի միջև խաղաղության օրակարգի առաջխաղացման կապակցությամբ։ Նա նշել է, որ Ադրբեջանը վարում է տարածաշրջանային դիվանագիտության ակտիվ քաղաքականություն և որպես դրա վառ օրինակ ընդգծել է՝ Իլհամ Ալիևի վերջին այցելությունները և միջազգային գագաթնաժողովներին մասնակցությունը։

Մարիանա Կույունջիչը նշել է՝ Ադրբեջան-ԵՄ հարաբերությունների հետագա զարգացման համար բարենպաստ հնարավորությունները՝ անդրադառնալով էներգետիկայի և տրանսպորտի ոլորտներում հաջող համագործակցությանը և ընդգծելլ է, որ  ԵՄ- աջակցություն է ցուցաբերում տարածաշրջանային տրանսպորտային կապերի ստեղծման վերաբերյալ նախագծերին: Կույունջիչը նաև հայտարարել է, որ ԵՄ-ն կշարունակի աջակցել Ադրբեջանին ականազերծման ոլորտում: