La Voix du Nord. ադրբեջանցի օդաչուները իսկական հրաշք են գործել

«Ադրբեջանական ավիաուղիներ»-ին (AZAL) պատկանող ինքնաթիռի օդաչուները մինչև վերջ պայքարել են անվտանգ վայրէջքի համար։
 
Ինչպես հայտնում է Caliber.Az-ը, այս մասին ասված է՝ ֆրանսիական La Voix du Nord պորտալի հրապարակման մեջ։ Դրա հեղինակները նշում են, որ ադրբեջանցի օդաչուները ցուցադրել են բարձր պրոֆեսիոնալիզմ։
 
Հոդվածում նշվում է, որ AZAL 8432 չվերթի ինքնաթիռի անձնակազմին հաջողվել է փրկել օդանավում գտնվող ուղևորների կեսի կյանքը՝ իսկական հրաշք գործելով։ Չնայած հիդրավլիկ և նավիգացիոն համակարգերի խափանումներին, նրանց հաջողվել է 2 ժամում հատել Կասպից ծովը և ինքնաթիռը հասցնել Ակտաու։ Ավիավթարի հետևանքով զոհված հրամանատար Իգոր Կշնյակինի, օդաչու Ալեքսանդր Կալյանինովի և բորտուղեկցորդուհի Հոքյումա Ալիևայի  անձնուրացության շնորհիվ՝ հնարավոր եղավ նվազեցնել ողբերգության մասշտաբները։