Լազարենկուն Բաքվում. Կլիմայի փոփոխությունն արդեն իրական ճգնաժամ է Մոլդովայի համար

Կլիմայի փոփոխությունն իրական ճգնաժամ է, որը լուրջ ազդեցություն է թողնում Մոլդովայի տնտեսության վրա։
 
Ինչպես հայտնում է Report-ը, այս մասին ասել է Մոլդովայի շրջակա միջավայրի նախարար Սերգիու Լազարենկուն՝ COP29-ի շրջանակներում՝ «Նշում ենք ջրի  կենսական նշանակությունը՝ կլիմայի, բնության և մարդկանց համար» միջոցառմանը։
 
Նրա խոսքով, մարդկության ապագան սերտորեն կապված է ջրային ռեսուրսների հետ. «Մոլդովայի համար կլիմայի փոփոխությունն արդեն իսկական ճգնաժամ է, որը դրսևորվում է երաշտի և ջրի սակավության տեսքով՝ լուրջ ազդեցություն ունենալով առօրյա կյանքի և տնտեսության վրա, հատկապես գյուղական համայնքներում, որոնք կախված են գյուղատնտեսությունից: Ջերմաստիճանի բարձրացումը, հաճախակի երաշտները և անկանոն տեղումները նվազեցնում են հիմնական մշակաբույսերի արտադրությունը, ինչպիսիք են ցորենը և եգիպտացորենը: Մեր տնտեսության և ժառանգության  հիմքը հանդիսացող խաղողի այգիները բախվում են աճող խնդիրների հետ: Ջրի անհասանելիությունը դառնում է լուրջ խնդիր՝ սպառնալով, ինչպես  գյուղատնտեսությանը, այնպես էլ բնակչության առօրյա կարիքներին»։
 
Լազարենկուն նշել է, որ Մոլդովայի համար հիմնական ջրային ռեսուրսներ են հանդիսանում  երկու անդրսահմանային գետերը՝ Դնեստրը և Պրուտը. «Օրինակ, բնակչության 80%-ը ջուր է ստանում Դնեստր գետից։ Այս գետը ապահովում է Քիշնևի բնակիչների 98%-ի ջրի կարիքները։ Ջրային ռեսուրսների ինտեգրված կառավարման ոլորտում միջազգային համագործակցությունը առանցքային է՝ կայուն զարգացման և ջրային ռեսուրսների արդյունավետ օգտագործման ապահովման համար փոփոխվող միջավայրում, որտեղ ջրի սակավությունը ընդհանուր խնդիր է հանդիսանում»: