Լեյլա, Արզու և Ալենա Ալիևաները մասնակցել են՝ հատուկ խնամքի կարիք ունեցող երեխաների համար կազմակերպված տոնակատարությանը

Դեկտեմբերի 29-ին, Հեյդար Ալիևի հիմնադրամի փոխնախագահ և IDEA հասարակական միավորման հիմնադիր ու ղեկավար Լեյլա Ալիևայի նախաձեռնությամբ, դեկտեմբերի 31-ի՝ Աշխարհի ադրբեջանցիների համերաշխության օրվա և Նոր տարվա նախօրեին, երեխաների համար կազմակերպվել է տոնական  միջոցառում։
 
AZERTAC-ի  փոխանցմամբ, միջոցառմանը մասնակցել են՝ Հեյդար Ալիևի հիմնադրամի փոխնախագահ և IDEA հասարակական միավորման հիմնադիր ու  ղեկավար Լեյլա Ալիևան, Բաքվի մեդիա կենտրոնի ղեկավար Արզու Ալիևան և Ալենա Ալիևան։
 
Տարբեր մանկատների և գիշերօթիկ դպրոցների  երեխաների, ինչպես նաև առողջության սահմանափակ հնարավորություններով ու հատուկ խնամքի կարիք ունեցող երեխաների համար կազմակերպված տոնակատարության հիմնական նպատակն էր՝ տոնական տրամադրություն ստեղծել երեխաների համար և ուրախ պահեր պարգևել նրանց։
 
Երեխաների համար նախատեսված Ամանորյա ծրագիրը ներառում էր՝ զվարճալի խաղեր, ինտերակտիվ միջոցառումներ և երաժշտական ​​ծրագրեր՝ Ամանորի հերոսների և սիրված հեքիաթային հերոսների մասնակցությամբ։
 
Միջոցառման ընթացքում ներկայացվել  է նաև «Գոյերչին» ամսագրի հատուկ ամանորյա համարը, որը այս տարի Լեյլա Ալիևայի նախաձեռնությամբ պատրաստվել էր երեխաների համար: 1958 թվականից ի վեր հրատարակվող «Գոյերչին» ամսագիրը ամսական հրատարակություն է՝ տարրական դպրոցի աշակերտների և նախադպրոցական տարիքի  փոքրիկ ընթերցողների համար: Ամսագրի գլխավոր խմբագիրն է՝ մշակույթի վաստակավոր գործիչ, պրոֆեսոր Ռաֆիգ Յուսիֆօղլուն: Տոնական  միջոցառման  շրջանակներում ներկայացված այս համարը՝ մեծ հետաքրքրություն է առաջացրել միջոցառմանը  մասնակցած երեխաների շրջանում: