Մահացել է Օգտայ Շիրալիևը

Մահացել է Ադրբեջանի առողջապահության նախկին նախարար Օգտայ Շիրալիևը։
 
Caliber.Az-ի փոխանցմամբ՝ նա մահացել է այսօր՝ 75 տարեկան հասակում՝ Խազարի շրջանի Շուվալան ավանում գտնվող իր տանը։
 
TƏBİB-ում նույնպես հաստատել են  տեղեկատվությունը։ Caliber.Az-ի հարցմանը ի պատասխան՝ նախարարությունում հայտնել են, որ Շիրալիևի առողջական վիճակի վատթարացման մասին տեղեկատվությունը շտապօգնության կայանում ստացվել է ժամը 17:30-ին։ Շտապօգնության խումբը ժամանել է հասցե և հաստատել նախկին նախարարի մահը։
 
Օգտայ Շիրալիևը ծնվել է 1950 թվականի օգոստոսի 2-ին Բաքվում՝ բժշկի ընտանիքում։ 1967-ից 1973 թվականներին ավարտել է Ն. Նարիմանովի անվան Ադրբեջանի պետական ​​բժշկական ինստիտուտը՝ «Բուժական գործ» մասնագիտությամբ: