Միլլի Մեջլիսում քննարկվել է Արևմտյան Ադրբեջանից վտարված մարդկանց համար փոխհատուցումը

Միլլի Մեջլիսում բարձրացվել է Արևմտյան Ադրբեջանից վտարված մարդկանց փոխհատուցման մասին հարցը։
 
Ինչպես հայտնում է Caliber.Az-ը, այս մասին Միլլի Մեջլիսի գարնանային նստաշրջանի առաջին նիստում հայտարարել է՝ պատգամավոր Հիքմեթ Բաբաօղլուն։
 
Նրա խոսքով, Հայաստանը իբր փոխհատուցում է վճարել նրանց.
 
«Հայաստանի արտգործնախարարի հայտարարությունը՝ և՛ փաստերի, և՛ թվերի խեղաթյուրում է։ Նախ, էթնիկ զտումների է ենթարկվել 300 հազար ադրբեջանցի, այլ ոչ թե 170 հազար, ինչպես ասել է Արարատ Միրզոյանը։ Երկրորդը՝ տրամադրված փոխհատուցումը ադրբեջանցիների տների համար փոխհատուցում չէ։ Որովհետև 1988 թվականի դեկտեմբերի 7-ին Սպիտակ քաղաքում երկրաշարժ է տեղի ունեցել: 1988 թվականին Հայաստանի անկախ հանրապետություն չկար։ Երկրաշարժի գոտում ապրող ադրբեջանցիներին ԽՍՀՄ բյուջեից որոշակի փոխհատուցումներ են տրամադրվել իրենց տների վերանորոգման համար՝ երկրաշարժի պատճառած վնասը վերացնելու համար։ Բայց այս փոխհատուցումը ծախսելուց հետո, վերանորոգումից հետո տները յուրացվել են հայերի կողմից, իսկ ադրբեջանցիների սեփականության իրավունքը ոտնահարվել է»։