Քանի՞ տարի է պետք խնայել աշխատավարձը՝ Բաքվում բնակարան գնելու համար Ադրբեջանի Կենտրոնական բանկի հաշվարկներ

Ադրբեջանի Կենտրոնական բանկը հրապարակել է՝ մայրաքաղաքում անշարժ գույքի շուկայի վիճակի վերաբերյալ նոր տվյալներ։
 
Ինչպես հաղորդում է Caliber.Az-ը՝ հղում անելով APA-ին, Բաքվում բնակարանների միջին արժեքի և քաղաքում միջին ամսական անվանական աշխատավարձի հարաբերակցությունը մնում է չափազանց բարձր։ Այս ցուցանիշը կազմում է 217 ամիս կամ 18.1 տարի։ Սա նշանակում է, որ եթե Բաքվի բնակիչը խնայի իր ամբողջ միջին ամսական աշխատավարձը՝ առանց որևէ ծախսի, նրան ավելի քան 18 տարի կպահանջվի բնակարան գնելու համար։
 
Եթե նրանք գոնե որոշակի գումար ծախսեն սննդի, հագուստի, կոմունալ ծառայությունների և այլնի վրա, ապա այդ ժամանակահատվածը, բնականաբար, կաճի մինչև 20 տարի։
 
Բացի այդ, ինչպես նշվում է Ադրբեջանի Կենտրոնական բանկի կիսամյա «Ֆինանսական կայունության մասին զեկույցում», հիփոթեքային վարկերի ծավալը 2023 թվականից ի վեր աճի տեմպի դանդաղում է ցույց տալիս։
«Այս անկումը կարելի է բացատրել ինչպես առաջարկի, այնպես էլ պահանջարկի գործոններով։ Այսպես, բնակարանների գների բարձր աճի տեմպերը և նոր հիփոթեքային վարկերի միջին տոկոսադրույքների աճը հանգեցրել են հիփոթեքային վարկերի պահանջարկի դանդաղմանը։ Միևնույն ժամանակ, հիփոթեքային և վարկային երաշխիքների հիմնադրամի միջոցով տրամադրվող հիփոթեքային վարկերի սահմանափակ առաջարկը և բանկերի ֆինանսավորման կառուցվածքը սահմանափակում են նրանց կարողությունը՝ սեփական միջոցներով հիփոթեքային վարկեր տրամադրելու համար», - նշվում է տեղեկատվության մեջ։