Ռումինիայի էներգետիկայի նախարարը՝ ադրբեջանական գազի ներկրման մասին
Ռումինիայի էներգետիկայի նախարար Սեբաստիան-Յոան Բուրդուջան ասել է, որ նրա նրա երկիրը ռուսական գազի «ոչ մի մոլեկուլ» չի ներկրում՝ նշելով, որ գազ է ստանում Ադրբեջանից Թուրքիայի տարածքով։
Ինչպես հայտնում է Report-ը, այս մասին Digi24 հեռուստաալիքին ասել է կառավարության անդամը։
Թեև նախարարը նշել է, որ Ռումինիայի որոշ հարևաններ ռուսական գազի հարցում այլընտրանք չունեն, սակայն ընդգծել է, որ Բուխարեստը գազի համար դիմել է Ադրբեջանին։
«Ռումինիան ոչ մի մոլեկուլ ռուսական գազ չի ներկրում, և բոլոր եվրոպական երկրները պետք է այդպես վարվեն։ Իհարկե, մենք ունենք հարևաններ, ովքեր ասում են, որ նրանք այլընտրանք չունեն և պետք է շարունակեն ներկրել [բնական գազը] Ռուսաստանից։ Ընդհանրապես, մենք ներկրում ենք Բուլղարիայի տարածքով, այսինքն՝ դա գազ է, որը գալիս է Թուրքիայից՝ խոշոր խողովակաշարերով, այդ թվում՝ Ադրբեջանից, թեև Թուրքիա մտնելուն պես այն համարվում է թուրքական գազ»,- ասել է էներգետիկայի նախարարը։