Ասիական բանկը տեխնիկական աջակցություն կտրամադրի Ադրբեջանի երկաթուղիներին

«Ադրբեջանական երկաթուղիներ» ՓԲԸ-ի (ԱԵ) և Ասիական զարգացման բանկի (ԱԶԲ) միջև՝ դեկարբոնացման ոլորտում համագործակցության մասին հուշագիր է ստորագրվել: 

Report-ի փոխանցմամբ՝ ԱԶԲ-ն տեխնիկական աջակցություն կտրամադրի Ադրբեջանի երկաթուղիներին։ Ադրբեջանից փաստաթուղթն ստորագրած ԱԵ-ի նախագահ Ռովշան Ռուստամովն հայտարարել է, որ տրանսպորտային համակարգի դեկարբոնացումը, որը կազմում է ածխաթթու գազի  գլոբալ արտանետումների 24%-ը, պահանջում է երկաթուղիների ավելի մեծ օգտագործում՝ վերականգնվող էներգիայի և այլընտրանքային վառելիքի օգտագործման հետ մեկտեղ:

Նրա խոսքով, երկաթուղային տրանսպորտը զգալիորեն ավելի քիչ ածխածնի արտանետումներ է արտադրում՝ այլ տեսակների համեմատ և համարվում է էկոլոգիապես մաքուր փոխադրամիջոց։