Բաքուն և Թեհրանը քննարկել են համատեղ էներգետիկ նախագծերը

Բաքուն և Թեհրանը քննարկել են համատեղ էներգետիկ նախագծերը ԼՈՒՍԱՆԿԱՐ Ադրբեջան և Իրանը քննարկել են էներգետիկ համագործակցության շրջանակներում համատեղ նախագծեր։ 

Ինչպես հայտնում է Caliber.Az-ը, քննարկումները տեղի են ունեցել՝ Չինաստանում երկու երկրների էներգետիկայի նախարարներ Փարվիզ Շահբազովի և Աբբաս Ալիաբադիի բանակցությունների ընթացքում, որտեղ անցկացվում է «Գոտիներ և ճանապարհներ» երկրների 3-րդ նախարարական համաժողովը։ 

«Մենք քննարկել ենք «Խուդաֆերին», «Գըզ Գալասը» հիդրոհանգույցների և «Օրդուբադ» ՀԷԿ-ի նախագծերի իրականացման, ինչպես նաև Ադրբեջանի, Իրանի և Ռուսաստանի էլեկտրացանցերի ինտեգրման հետ կապված հարցեր։ Մենք դիտարկել ենք նաև էլեկտրաէներգիայի արտահանման ոլորտում համագործակցության հնարավորությունները»,- գրել է Շախբազովը սոցցանցի իր էջում: