Օմբուդսմենն այցելել է AZAL-ի ինքնաթիռի վթարից տուժածներին ԼՈՒՍԱՆԿԱՐ

Ադրբեջանի մարդու իրավունքների հանձնակատար (օմբուդսմեն) Սաբինա Ալիևան այցելել է՝ Ղազախստանում «Ադրբեջանական ավիաուղիներ»-ի ինքնաթիռի կործանման հետևանքով տուժածներին, ովքեր բուժում են անցնում Բաքվի «Ենի Կլինիկա»-ում։

Ինչպես հայտնում է Caliber.Az-ը՝ օմբուդսմենի մամուլի ծառայությանը հղումով, այցի ընթացքում Բժշկական տարածքային ստորաբաժանումների կառավարման միավորման (TƏBİB) և «Ենի կլինիկա»-ի ղեկավարությունը՝ օմբուդսմենին մանրամասն տեղեկատվություն է տրամադրել հիվանդների առողջական վիճակի մասին։

Ս.Ալիևան ծանոթացել է՝ կլինիկայում ավիավթարից տուժածների համար ստեղծված պայմաններին, ինչպես նաև զրուցել է նրանց հետ։