Պատրիարք Կիրիլ. Ադրբեջանը օրինակելի պետություն է

Ադրբեջանը մի երկիր է, որի հետ ես շատ կապված եմ։ Եվ առաջին հերթին ձեր նախագահի հետ անձնական, անկեղծ, սրտանց բարեկամության միջոցով։ Երբ մենք ծանոթացանք նրա հետ և զրուցեցինք, շատ նմանություններ կային մեր աշխարհայացքի, պատմության մեր ըմբռնման, հիմա տեղի ունեցողի ըմբռնման մեջ: Հետևաբար, ես ընկերներ եմ ձեր նախագահի և նրա ընտանիքի հետ:

Ինչպես հաղորդում է AZERTAC-ը, այս մասին ասել է Մոսկվայի և Համայն Ռուսիո պատրիարք Կիրիլը՝ պատասխանելով լրագրողների հարցին Միացյալ մշակույթների Սանկտ Պետերբուրգի X միջազգային ֆորումում «21-րդ դարի մշակույթ. ինքնիշխանությո՞ւն, թե՞ գլոբալիզմ» թեմայով դասախոսություն կարդալուց հետո:

«Ադրբեջանը ժամանակակից պետություն է. Կարելի է ասել՝ բազմակրոն։ Երկրում կան իսլամական և ուղղափառ համայնքներ։ Որևէ միջկրոնական հակամարտություն գոյություն չունի: Պետությունը կարգավորում է այդ հարաբերությունները՝ չմիջամտելով կրոնական համայնքների ներքին կյանքին»,- ասել է նա։

«Կարծում եմ, որ Ադրբեջանը օրինակելի պետություն է։ Մանավանդ, որ, կան երկու ուժեղ համայնքներ՝ առաջին հերթին մուսուլմանականը, որն ավելի շատ է, ինչպես նաև ուղղափառը։ Ընդ որում, այդ ուժերի փոխազդեցությունը շատ ներդաշնակված է։ Ես կարող եմ միայն շնորհավորել ձեզ, որ դուք ունեք այսպիսի հրաշալի նախագահ։ Ուրախ եմ նաև, որ մեր նախագահների միջև կան շատ սերտ հարաբերություններ, ինչը նշանակում է, որ ժողովուրդների միջև բարեկամությունն ամրապնդվում է»,- եզրափակել է պատրիարք Կիրիլը: