Մոսկվան և Բաքուն քննարկել են երկկողմ առևտրատնտեսական համագործակցության հարցեր

Մոսկվայում հանդիպում է կայացել Ռուսաստանի և Ադրբեջանի միջև տնտեսական համագործակցության միջկառավարական հանձնաժողովի համանախագահների՝ Ռուսաստանի Դաշնության փոխվարչապետ Ալեքսեյ Օվերչուկի և Ադրբեջանի փոխվարչապետ Շահին Մուստաֆաևի միջև։

Ինչպես գրում է Сaliber.Az-ը, այս մասին հաղորդվում է ՌԴ կառավարության կայքում։

Ի լրումն Ռուսաստանի նախագահ Վլադիմիր Պուտինի և Ադրբեջանի նախագահ Իլհամ Ալիևի՝ 2024 թվականի օգոստոսի 19-ին Բաքվում կայացած բանակցությունների ընթացքում ձեռք բերված պայմանավորվածությունների՝ միջկառավարական հանձնաժողովի համանախագահները քննարկել են երկկողմ առևտրային, տնտեսական և գիտատեխնիկական համագործակցության արդիական հարցեր», - ասված է հաղորդագրության մեջ։

Տեղեկատվության համաձայն՝ հատուկ ուշադրություն է դարձվել տրանսպորտի, կրթության, շրջակա միջավայրի պահպանության ոլորտներում փոխգործակցությանը։ Քննարկվել են նաև երկու երկրների համար փոխադարձ հետաքրքրություն ներկայացնող այլ հարցեր։

Նշվում է, որ Օվերչուկը և Մուստաֆաևը հաստատել են կառուցողական երկխոսությունը շարունակելու իրենց պատրաստակամությունը՝ ուղղված բոլոր ոլորտներում ռուս-ադրբեջանական հարաբերությունների ամրապնդմանը: