Ռամիզ Մեհդիևը մեղադրվում է հատկապես ծանր հանցագործությունների մեջ Դատարանը որոշում է կայացրել

Ադրբեջանի նախագահի աշխատակազմի նախկին ղեկավար Ռամիզ Մեհդիևին մեղադրանք է առաջադրվել։

Oxu.Az-ի տվյալներով՝ Ռամիզ Մեհդիևին մեղադրանք է առաջադրվել Ադրբեջանի Հանրապետության Քրեական օրենսգրքի 278.1 (պետական իշխանությունը զավթելուն ուղղված գործողություններ), 274 (պետական դավաճանություն) և 193-1.3.2 (հանցավոր ճանապարհով ձեռք բերված գույքի լվացում) հոդվածներով։

Սաբայիլի շրջանային դատարանը բավարարել է հատկապես ծանր հանցագործությունների մեջ մեղադրվող Ռամիզ Մեհդիևի դեմ միջնորդությունը և նշանակել չորս ամսվա տնային կալանք։

Ռամիզ Մեհդիևը 1995-ից 2019 թվականներին զբաղեցրել է Ադրբեջանի նախագահի աշխատակազմի ղեկավարի պաշտոնը։ 2019-ից 2022 թվականներին Մեհդիևը ղեկավարել է Ադրբեջանի Գիտությունների ազգային ակադեմիան։