Swiss Re Europe-ի կանխատեսում. Ադրբեջանում միջին ջերմաստիճանը կբարձրանա մոտ 5 տոկոսով

Ադրբեջանում արտանետումների հետ կապված օդի միջին ջերմաստիճանի աճը մինչև 2090 թվականը կանխատեսվում է մոտ 5%-ով։

Ինչպես հայտնում է Caliber.Az-ը, այս մասին հայտարարել է՝ սկանդինավյան և ԱՊՀ հաճախորդների ավագ ապահովագրող, Swiss Re Europe-ի (Գերմանիա) վերաապահովագրության գծով փոխնախագահ Գեպա Յանսեն-Կլաուսը։

«Ադրբեջանը խոցելի է ճանաչվել կլիմայի փոփոխության ազդեցության նկատմամբ՝ ND-GAIN ինդեքսում 181 երկրների մեջ զբաղեցնելով 73-րդ տեղը։ Կանխատեսվում է, որ Ադրբեջանում ջերմաստիճանը կբարձրանա ավելի արագ, քան համաշխարհային միջինը` մինչև 2090 թվականը հասնելով 4,7 տոկոսի` կախված արտանետումների մակարդակից»,- հինգշաբթի Միջազգային ապահովագրական ֆորումում ասել է Յանսեն-Կլաուսը:

Նա նաև նշել է, որ կանխատեսումների համաձայն՝ երաշտը զգալիորեն կնվազեցնի Ադրբեջանի գյուղատնտեսության արտադրողականությունը և կբարձրացնի անապատացման և հողի աղակալման գործընթացները։

«Դրա հետ մեկտեղ, ջերմաստիճանի բարձրացումը մեծացնում է ծայրահեղ տեղումների հավանականությունը՝ առաջացնելով ջրհեղեղներ և, հնարավոր է, սողանքներ։ Ամռանը ջերմաստիճանի բարձրացումը մեծացնում է նաև ջերմային ալիքների վտանգը, որը կարող է լրջորեն ազդել բնակչության առողջության և երկրի տնտեսության վրա»,- ընդգծել է Յանսեն-Կլաուսը։