ՏԻՄ ընտրություններ. ԱՀ օմբուդսմենի գրասենյակը ստեղծել է աշխատանքային խումբ

Ադրբեջանի օմբուդսմենի գրասենյակում ստեղծվել է աշխատանքային խումբ՝ տեղական ինքնակառավարման մարմինների ընտրությունների ժամանակ տեղեկատվության արագ փոխանակման համար։

Ինչպես հայտնում է Caliber.Az-ը, աշխատանքային խումբը ստեղծվել է Մարդու իրավունքների հանձնակատար Սաբինա Ալիևայի նախաձեռնությամբ։

Ընտրություններին որպես անկախ դիտորդներ կմասնակցեն ՄԻՊ գրասենյակի, տարածքային կենտրոնների, ինչպես նաև Նախչըվանի օմբուդսմենի գրասենյակի աշխատակիցները։ Դիտարկում են իրականացնելու ընտրատեղամասերում։

Յուրաքանչյուր դիտորդ իր դիտարկումների արդյունքները ժամային կտրվածքով կներկայացնի օմբուդսմենին: Անհրաժեշտության դեպքում Կենտրոնական ընտրական հանձնաժողովի հետ համատեղ միջոցներ կձեռնարկվեն քաղաքացիների իրավունքների պաշտպանության ուղղությամբ։