Զելենսկին զանգահարել է Ալիևին

Դեկտեմբերի 28-ին Ուկրաինայի նախագահ Վլադիմիր Զելենսկին զանգահարել է Ադրբեջանի նախագահ Իլհամ Ալիևին։

Ինչպես հաղորդում է Caliber.Az-ը, այս մասին տեղեկությունը զետեղված է Ադրբեջանի Հանրապետության ղեկավարի պաշտոնական կայքում։

Վլադիմիր Զելենսկին ցավակցություն է հայտնել Իլհամ Ալիևին և ողջ ադրբեջանական ժողովրդին՝ դեկտեմբերի 25-ին Բաքու-Գրոզնի չվերթ իրականացնող «Ադրբեջանական ավիաուղիներ»-ի մարդատար ինքնաթիռի վթարի հետևանքով մեծ թվով մարդկանց զոհվելու կապակցությամբ։ Վլադիմիր Զելենսկին շուտափույթ ապաքինում է մաղթել վիրավորներին։

Իլհամ Ալիևը շնորհակալություն է հայտնել ուշադրության և ցավակցության համար։