Ադրբեջանական դպրոցներում ներդրվել է ընդհանուր թուրքական պատմության դասագիրք

Հանրակրթական դպրոցների 8-րդ դասարաններում դասացուցակում ընդգրկվելու է մեկ ժամ արտադասարանական զբաղմունք, այն հատկացվելու է «Ընդհանուր թուրքական պատմություն» դասընթացի ուսուցմանը։

Ինչպես հայտնում է Caliber.Az-ը, այս մասին ասված է կրթության նախարարի՝ «2022-2023 ուսումնական տարվա ուսումնական ծրագրերը հաստատելու մասին» հրամանում։

Նշենք, որ երեկ մամուլի ասուլիսի ժամանակ նախարար Էմին Ամրուլլաևը նշել է, որ պատրաստվում է ընդհանուր թուրքական աշխարհագրության դասագիրք։