Ադրբեջանը 45%-ով ավելացրել է ոչ նավթային արտահանումը ԼՈՒՍԱՆԿԱՐ

Ընթացիկ տարվա հունվար-մարտին Ադրբեջանի արտահանման արժեքը կազմել է 8 մլրդ դոլար, իսկ ոչ նավթային հատվածի արտահանումը` 727,2 մլն դոլար։

Այս մասին հայտնում է Caliber.Az-ը՝ հղում անելով Տնտեսական բարեփոխումների և հաղորդակցությունների վերլուծության կենտրոնին։

Կենտրոնի «Արտահանման ակնարկի» ապրիլյան համարի համաձայն՝ ոչ նավթային հատված արտահանման արժեքն անցյալ տարվա ընթացքում աճել է 225,6 մլն դոլարով կամ 45%-ով։

Մրգերի և բանջարեղենի արտահանման արժեքը 2022 թվականի առաջին եռամսյակում՝ նախորդ տարվա նույն ժամանակահատվածի համեմատ աճել է 28,5%-ով և կազմել 124,9 մլն դոլար։ Համապատասխան ժամանակահատվածում քիմիական արդյունաբերության արտադրանքի արտահանումն աճել է 10 անգամ, ալյումինը և դրանից ստացված արտադրանքը` 63,9 տոկոսով, գունավոր մետաղները և դրանցից արտադրանքը` 48,7 տոկոսով, բամբակյա մանվածքը` 29,3 տոկոսով, բամբակաթելը` 5,6 տոկոսով: